Máis de 100 alumnos do IES Nº 1 de Ribeira e do IES Leliadoura asistiron hoxe á conferencia ‘Coñecer mellor o Alzhéimer’ do neurocientífico Carlos Spuch.
O investigador asegura que “de momento non hai cura para o Alzhéimer, pero creo que en poucos anos teremos fármacos para tratar a enfermidade. En Estados Unidos aprobaron o primeiro tratamento dirixido en anos ao alzhéimer. Trátase dun anticorpo monoclonal que se paralizou en Europa porque era moi caro e había dúbidas sobre os resultados do ensaio, pero do que se veu que detén un pouco a deterioración cognitiva, un gran paso para empezar a avanzar”.
