Centro Teo

AGADEA, ven realizando no Concello de Santiago de Compostela un Servizo de estimulación terapéutica, en colaboración coa Concellería de Política Social.
Na unidade terapéutica hai unha media anual de 49 persoas usuarias que distribuídas en dúas aulas, dependendo do deterioro cognitivo que presenten.

A quen van dirixidas?
A persoas que teñen a enfermidade de Alzheimer ou outra demencia en fase leve ou moderada e que conviven coa súa familia.

Que se fai?
• As actividades de estimulación cognitiva céntranse en diversas áreas como: a orientación á realidade, a linguaxe, a memoria, as praxes e o recoñecemento perceptivo.
• A psicomotricidade é a capacidade ou facultade que permite, facilita e potencia o desenvolvemento perceptivo físico, psíquico e social da persoa a través do movemento.
• Estimulación das actividades básiczas da vida diaria
• Programa de animación sociocultural (ludoterapia)
• Programas interxeneracionais.