Agadea, xunto a outras organizacións sociais e institucións públicas, organiza o próximo 10 de abril un obradoiro formativo sobre as chaves para mellorar a calidade de vida das persoas con alzhéimer a través dunha alimentación adaptada a súas necesidades.
O taller formativo, de dúas horas de duración, analizará as implicacións da alimentación en persoas con alzhéimer, os tratamentos nutricionais, alimentación saudable, medidas hixiénico – posturais, o uso de espesantes e máis recomendacións nutricionais para mellorar a calidade de vida das persoas.
A xornada forma parte dunha serie de obradoiros formativos sobre manexo de medicación en persoas con demencia, réxime legal das medidas de apoio ás persoas e musicoterapia.
