AGADEA - Asociación Galega de Axuda ós Enfermos con Demencias tipo Alzheimer de Santiago Asociación Galega de Axuda ós Enfermos con Demencias tipo Alzheimer de Santiago

AGADEA leva a cabo as Terapias de Estimulación Cognitiva e Psicomotriz, no Centro Sociocultural de Vite, en Santiago de Compostela, e no Centro Terapéutico na Rúa Dublín nº 6, Fontiñas (Santiago de Compostela).

Estas terapias están dirixidas a persoas con enfermidade de Alzheimer ou outra demencia, e teñen a dobre finalidade de manter o maior tempo posible as súas capacidades, á vez que se proporciona aos seus familiares un tempo de respiro.

Distribuíronse en grupos, organizados de forma homoxénea e en función do nivel de deterioro dos /as usuarios/as; e en grupos reducidos, co fin de maximizar a estimulación. Temos establecemos tres grupos segundo o grado de deterioro cognitivo:

• enfermos con fase moderada,
• enfermos en fase leve- moderada,
• persoas con deterioro cognitivo lixeiro.

No Centro Terapéutico de Fontiñas o horario e de 9.30h da mañá a 20.00 horas da tarde, en horario ininterrompido de luns a venres.

Neste tempo realízanse as actividades propias de estimulación (orientación a realidade, musicoterápia, xerontoxinmásia...) e, ademais, ofertase o Servizo de Comedor.

Para cumprir un dos obxectivos das terapias ofértase ás familias a flexibilidade horaria, deste xeito temos usuarios/as que veñen en horario de mañá, de tarde, todo o día e que tamén se benefician do servizo de comedor.

No local do Centro Sociocultural de Vite o horario é de mañá de 9.30h ata ás 14.00 da tarde. Este grupo é o formado por persoas que teñen un deterioro cognitivo lixeiro.

O Obxectivo destas terapias é estimulala memoria e o resto de funcións cognitivas, aproveitando os recursos existentes, favorecendo o seu exercicio e preservándoas mediante o desenvolvemento de técnicas de compensación específicas. O mesmo tempo, nos Obradoiros favorecéronse as relación sociais, a independencia e a autoestima das usurarias

No seguinte gráfico vemos como están distribuídos os/as usuarios segundo o horario das terapias:

No seguinte gráfico vemos como están distribuídos os/as usuarios segundo o tipo de servizo que utilizan:

No seguinte gráfico vemos como están distribuidos os/as usuarios por sexos:

As Terapias de Estimulación están dirixidas por un profesional da psicoloxía, unha Educadora Social, apoiadas por catro xerocultoras (que ademais de colaborar nas actividades, atenden a aqueles enfermos/as que o precisen), e por estudantes en período de prácticas e voluntarios, que fan que a atención sexa moi personalizada.